ឯកឧត្តម អ៊ឹង លាងហ៊ួ បានអញ្ជើញចូលរួមជាមួយពុទ្ធបរិស័ទ ប្រារព្ធពិធីសូត្រមន្តទេសនាបុណ្យ កឋិនទានមហាសាមគ្គី និងដង្ហែត្រៃចីវរ បច្ច័យ វេរប្រគេនព្រះសង្ឃគង់ចាំព្រះវស្សាអស់ត្រីមាសក្នុងវត្តបល្ល័ង្គ
រសៀលថ្ងៃសៅរ៍ ១៤រោច និងព្រឹកថ្ងៃអាទិត្យ ១៥រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១១ និង១២ ខែវិច្ឆិកា ឆ្នាំ២០២៣ នៅទីអារាមវត្តបល័ង្គ ស្ថិតនៅភូមិ៨ឆោម ឃុំពង្រ ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកគណ:កម្មការ ទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ និងលោក ជំទាវ បានអញ្ជើញចូលរួមជាមួយពុទ្ធបរិស័ទ ប្រារព្ធពិធីសូត្រមន្តទេសនាបុណ្យ កឋិនទានមហាសាមគ្គី និងដង្ហែត្រៃចីវរ បច្ច័យ វេរប្រគេនព្រះសង្ឃគង់ចាំព្រះវស្សាអស់ត្រីមាសក្នុងវត្តបល្ល័ង្គ។ សូមឧទ្ទិសអានិសង្ឃ និងកុសលផលបុណ្យ កើតមានពីឧត្តមបុណ្យរបស់ពុទ្ធបរិស័ទនេះ ជូនដល់បុព្វការីជនមានជីដូនជីតា មាតា បិតា ញាតិការក្នុងសង្សារវដ្តដែលលោកបានលាចាកលោកនេះទៅហើយ និងឧទ្ទិសកុសលជូនដល់ដួងវិញ្ញាណក្ខ័ន្ធយុទ្ធជន យុទ្ធនារី អ្នកស្នេហា ជាតិដែលបានពលីជីវិតក្នុងបុព្វហេតុជាតិ មាតុភូមិ សូមលោកទាំងអស់មេត្តាយោន យកកំណើតក្នុងទីបរមសុខកុំបីក្លាយទៅជាប្រការដទៃឡើយ។
